Dantzari ezinhobeak

Asteartea, 2010ko azaroak 2

Gaur irakatsiko dizuegu nola prestatzen ditugun bion artean koreografia izugarriak. Azkarrak, garbiak eta dotoreak izateaz aparte dantzariak ere bagara! Horretarako, entrenamendu oso bortitzak behar izan ditugu Vito eta ni bat etortzeko, baina lortu dugu! Ikusiko duzuenez, gurpilan txandakatu gara koreografiaren hasieran baloratu dezazuen gure bakarkako lana. Ondoren, biok antzeztokiaren alde ezberdinetan lan egin dugu baina erabat koordinaturik. Azkenik, dantzaren aldirik garrantzitsuena eta hunkigarriena izan da biok batera gurpilan dantzatu (korrika egin) dugunean. Ikus dezakezue zelako trebetasuna behar den gurpilara igotzeko martxan dagoenean. Behatu ezazue biok tramankuluaren gainean gaudenean zelako tankera dugun: biok batera korrika egiten dugu gorputza tente dugularik. Ez dugu entrenatzailerik behar izan oso disziplinatuak baikara. (Bi puntu guretzat, ezta? Premio bat merezi dugu!)